Dentro dos plans estratéxicos da CEC inclúese o desenvolvemento empresarial e a articulación de políticas e servizos que potencien e permitan o desenvolvemento económico da provincia, así como traballar para lograr a mellora da actividade empresarial.

Tanto a tecnoloxía como o capital humano son elementos fundamentais para poder levar a cabo o aproveitamento de oportunidades e crecemento futuro, e por iso a Confederación de Empresarios de La Coruña participa activamente na mellora da formación continua e o desenvolvemento das capacidades do empresariado e das persoas traballadoras ocupadas e desempregadas,levando a cabo accións formativas, necesidades pora o tecido empresarial, e facelas chegar a diferentes puntos da provincia.

A Confederación de Empresarios da Coruña está a apostar por apoiar e fomentar a innovación e a transformación dixital das empresas e das persoas como elemento crave para a mellora da súa competitividade e neste sentido e como continuación do proxecto executado no exercicio 2022 e financiado pola Deputación da Coruña, este ano proponse un proxecto denominado “Dixitalmente Conectados: Seminarios para a Era Dixital”, que consta de seis seminarios prácticos baseados en tres pilares fundamentais: a competitividade, a innovación e a dixitalización como ingredientes clave cara a transformación dixital.

O principal obxectivo que persegue o proxecto é proporcionar contidos prácticos, funcionais e tanxibles, para que as persoas participantes dispoña de ferramentas e instrumentos eficientes para a súa aplicación e implantación directa nas pemes.